که تاسې د افغانانو د انتقال او مرستې پالیسۍ یا ای آر ای پي او یا د اېکس-ګراشیا سکیم ته د ۲۰۲۲ کال د جنورۍ په ۷مه نېټه او یا تر دې نېټې د مخه درخواست ورکړی وي، تاسې کولای شئ په دې صفحه کې ورکړل شوي لینکونه وکاروئ ترڅو معلومه کړئ چې د معلوماتو د افشا کېدلو له پېښې اغېزمن شوي یاست یا نه.
مهم ټکي چې باید په پام کې ونیول شي
- موږ یواځې د هغو معلوماتو له مخې چې اوسمهال یې لرو، ویلی شو چې آیا تاسې په احتمالي توګه د معلوماتو د ورک کېدلو له پېښې اغېزمن شوي یاست که نه.
- حتا که موږ په دې باور واوسو چې تاسې ښایې د معلوماتو د ورک کېدلو له پېښې اغېزمن شوي یاست، موږ نه شو کولای چې:
- د هر چا لپاره یې د سلو فیصدو په ډاډ سره تاييد کړو.
- تائید کړو چې آیا ستاسې د شخصي معلوماتو کومه برخه احتمالاً اغېزمنه شوې ده که نه.
- تائيد کړو چې آیا ستاسې کورنۍ یا تر تکفل لاندې کسان اغېزمن شوي که نه. (که تاسې د هغوی معلومات په هغه درخواست کې ورکړي چې له دې رېفرېنس شمېرې سره تړاو لري، تاسې باید داسې وانګېرئ چې هغوی احتمالاً اغېزمن شوي دي).
- نو لطفاً د دغو پوښتنو لپاره موږ ته زنګ مه وهئ، ځکه چې زموږ د ټېلېفون کارمندان د اطلاعاتو د حفاظت د دلایلو له کبله نشي کولای پر ټېلېفون باندې شخصي معلومات چا ته ورکړي.
- له بلې خوا که تاسې په احتمالي توګه اغېزمن شوي نه یاست خو غواړئ د پېښې به هکله نور تفصیلات ترلاسه کړئ، لطفاً زموږ په ویبسایټ کې موجودې صفحې ولولئ خو پوښتنه موږ ته مه راجع کوئ (مګر دا چې تاسې رسماً د یوه اغېزمن شوي کس د وکالت کولو حق ولرئ) ، ځکه چې موږ نشو کولای د نورو خلکو په هکله چا ته معلومات ورکړو او اضافي پوښتنې به اغېزمن شویو کسانو ته رسیدګي کول لا ګران کړي.
- که تائید شوې وي چې تاسې اغېزمن شوي نه یاست، موږ ډاډه یو چې دا سم دی.
تاسې اغېزمن شوي نه یاست او اړتیا نلرئ چې خپل وضعیت چېک کړئ که چېرې:
- تاسو د ای آر ای پي یا اي جي اس سکیم ته د لومړي ځل لپاره د ۲۰۲۲ کال د جنورۍ تر ۷مې نېټې وروسته درخواست ورکړی وي.
- تاسې هېڅکله د ای آر ای پي یا اي جي اس سکیمونو لپاره درخواست نه دی ورکړی.
که تاسې رسماً ځان د برتانیې او شمالي آیرلینډ د متحدې پاچاهۍ له دفاع وزارت سره د یوه پخواني درخواست کوونکي د وکیل په توګه ثبت کړی وي، تاسې باید د هغوی د ریفرېنس شمېره د خودي ارزونې په وسیله یا سیلف چیکر کې ولیکئ.
دوې لارې شتون لري چې معلومه کړئ چې آیا ستاسو د رېفرېنس شمېرې احتمالاً غیزمې شوې دي که نه:
- که تاسې خپلې د ای آر ای پي، اي جي اس یا ای ټي ای اي د رېفرېنس ټولې شمېرې لرئ، دا لېنک کېکاږئ تر څو د خودي ارزونې وسیلې یا سېلف چېکر ته ورشئ. دا تر ټولو چټک انتخاب دی ځکه چې تاسې به سملاسي ځواب تر لاسه کړئ چې اغېزمن یاست یا نه. که تاسې یواځې خپلې ځینې د ریفرینس شمېرې په یاد لرئ، تاسې بیا هم دا باید د خودي ارزونې په وسیله کې داخلې کړئ، ځکه چې دا د تماس د فورمې کارولو په پرتله چټکه لاره ده.
- که تاسې خپلې د ای آر ای پي ، اي جي اس یا ای ټي ای اي د رېفرېنس ځینې شمېرې نلرئ، تاسې د تماس دا فورمه کارولای شئ ترڅو موږ ته پیغام راولېږئ. کله چې موږ ستاسې جزئیات چېک کړو، ژرترژره به بېرته ځواب درولېږو خو دا به لږه موده ونیسي او دا په دې پورې اړه لري چې څومره پوښتنې تر لاسه کوو.
که تاسو د دې معلوماتو او هدایاتو د پوهېدلو لپاره غږیزې مرستې ته اړتیا لرئ او یا د دې هدایاتو پوهېدل درته ګران وي، تاسې کولای شئ د ۰۸۰۰۰۲۱۴۱۱۰ شمېرې ته هر وخت زنګ ووهئ. که تاسې په افغانستان کې یاست، دا خطر موجود دی چې زموږ سره ستاسې اړیکه ښايي وڅارل شي.
لطفاً په یاد ولرئ، څرنګه چې موږ د ټیليفون کوونکو هویت نشو تثبیتولای نو د امنیتي دلایلو له کبله موږ نشو کولای چې:
- پر انفرادي قضیو د ټېلېفون له لارې خبرې وکړو
- تاسې ته وووایو چې تاسې ښايي اغېزمن شوي یاست یا نه
د برتانیې او شمالي آیرلینډ د متحدې پاچاهۍ د دفاع وزارت د هغو دلایلو له مخې چې د دې وزارت د محرمیت په خبرتیا کې موجود دي - او د برتانیې او شمالي آیرلېنډ د متحدې پاچاهۍ د معلوماتو د محافظت د قانون له مخې یې د ساتلو اجازه شته - شخصي معلومات راټولوي، ساتي او کاروي یې. په دې هکله د نورو معلوماتو لپاره، لطفاً د دفاع وزارت د محرمیت خبرتیا ولولئ.